"Qebele"nin mesqcisi "Top-10"da

30 Dekabr 2015 21:03 – xeber –
"Qəbələ" futbol komandasının builki çıxışı Ukrayna mətbuatının da diqqətindən yayınmayıb. Həmkarlarımız 2015-ci ilin yekunları ilə bağlı təhlillərində baş məşqçi Roman Qriqorçuk, futbolçulardan Aleksey Qay və Dmitri Bezotosnıya da yer ayırıblar.
Sportnet.az yazır ki, Qriqorçuk və digər baş məşqçilərin əcnəbi klublarda göstərdikləri nəticələr "Top-10"da "məşqçi sıçrayışı" kimi əksini tapıb. "Footboom.com" saytı 50 yaşlı mütəxəssisin nailiyyəti barədə bunları qeyd edib: "Roman Qriqorçuk ukraynalı mütəxəssislərin işləməyi bacardıqlarını sübut etdi. "Çernomorets"in sabiq baş məşqçisi "Qəbələ" ilə Azərbaycan çempionatının gümüş medalını qazandı və klub tarixində ilk dəfə Avropa Liqasının qrup mərhələsinə vəsiqə qazandı. Bundan başqa, Roman İosifoviç mətbuat konfransına "aerodrom"la gəldi. İlin sonunda isə Qriqorçuk Azərbaycanda ilin baş məşqçisi seçildi".
Bundan əlavə "Qəbələ"nin iki futbolçusu Ukraynanın 2015-ci ilin simvolik komandasında da yer alıb. Yarımmüdafiəçi Aleksey Qay əsas, qapıçı Dmitri Bezotosnı isə ehtiyat oyunçu kimi siyahıya daxil edilib. "Ua-football.com" saytı Aleksey Qay və Dmitri Bezotosnı haqda bunları qeyd edib: "Təcrübəli Qay Azərbaycan komandası üçün vacib oyunçudur. O, mövsüm ərzində bütün matçlarda forma geyinib və həmişə əsas heyətdə meydana çıxıb. Onun uğurlu çıxışı və qolu sayəsində Qriqorçuk rekord qələbəyə imza atıb, "Qəbələ" üçün məğlubiyyətsiz seriya yaranıb. Onun ötürməsi nəticəsində Dodo "Panatinaikos"un qapısına yol tapıb və komanda Avropa Liqasının qrup mərhələsinə yüksəlib. Qay 2015-ci ildə stabil çıxış edib. Bezotosnı da kolleksiyasına Azərbaycan çempionatında qazanılmış gümüş medal əlavə edib, "Qəbələ" ilə Avropa Liqasının qrup mərhələsinə yüksəlib. O, Avropa Liqasının təsnifat mərhələsində Yunanıstanın PAOK klubu ilə iki, "Panatinaikos"la isə bir oyunda qapısını toxunulmaz saxlayıb".

mənbə : milli.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org