Penitensiar Xidmetde emeliyyat musaviresi kecirildi

16:02 – xeber – Fevralın 19-da Ədliyyə Nazirliyi Penitensiar Xidmətinin Baş idarəsində cəzaçəkmə müəssisələrinin, eləcə də idarə və şöbə rəislərinin iştirakı ilə əməliyyat müşavirəsi keçirilib.
 
Penitensiar Xidmətdən Axar.az-a verilən məlumata görə, tədbir iştirakçılarına ölkə başçısının sədrliyi ilə keçirilmiş 2015-ci ilin yekunlarına və sosial-iqtisadi inkişafa dair müşavirədə qaldırılan məsələlərlə bağlı ədliyyə orqanlarının üzərinə düşən vəzifələrə həsr olunan Ədliyyə Nazirliyinin 12 fevral 2016-cı il tarixli kollegiya iclası barədə məlumat verilib. 
 
Ölkə prezidentinin korrupsiyaya qarşı mübarizənin daha da gücləndirilməsi, şəffaflığın artırılması, ictimai nəzarətin genişləndirilməsi ilə bağlı mühüm tapşırıqları, eləcə də həmin tapşırıqların icrası istiqamətində ədliyyə naziri, birinci dərəcəli dövlət ədliyyə müşaviri cənab Fikrət Məmmədovun verdiyi tövsiyələr xidmət əməkdaşlarının nəzərinə çatdırılıb.
 
Həmçinin bildirilib ki, Penitensiar müəssisələrdə əməkdaşlar, eləcə də xüsusi kontingentə daxil olan şəxslər arasında qarşılıqlı hörmət və etik normalara riayət edilməsi məhkumların islah olunması prosesinə təsir göstərən mühüm amillərdəndir. Bu nöqteyi-nəzərdən məhkumlarla birbaşa təmasda olan dəstə rəislərinin fəaliyyətinin səmərəliliyinin artırılması, onların üzərilərinə düşən vəzifələrin lazımınca yerinə yetirilməsi üçün əlverişli şərait yaradılmalıdır. Məhkumlar arasından seçilmiş geniş dünyagörüşünə və intellektual səviyyəyə malik şəxslərdən formalaşmış dəstə və müəssisə kollektiv şuralarının rolu artırılmalıdır. Xidmət üzrə rəhbər vəzifələr üçün peşəkar kadr ehtiyatının hazırlanması, gənc kadrların hamiliyə verilməsi və fəaliyyətin stimullaşdırılması məqsədilə əlavə tədbirlər görülməlidir.
 
Dövlət əmlakının, texniki avadanlığın qorunması, onların düzgün istifadəsinin təmin olunması və izafi xərclərə yol verilməməsi müşavirə iştirakçılarının bir daha nəzərinə çatdırılıb.

axar.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org