Onlar sanki ucurdular – Roman Qriqorcuk

22:03 – xeber – Bu gün “Maynts” bütün komponentlərdə bizdən üstün idi. Topla hərəkətləri əla idi, yüksək fiziki göstəriciləri var.
 
 APA-nın məlumatına görə, bu sözləri “Qəbələ”nin baş məşqçisi Roman Qriqorçuk deyib.
 
Avropa Liqasının qrup mərhələsi çərçivəsində bu gün “Maynts”ı qəbul edən “qırmızı-qaralar” Bakıdan 2:3 hesablı məğlubiyyətlə ayrılıblar.
 
Matçdan sonra mətbuat konfransı keçirən Qriqorçuk bunları deyib: “Oyundan əvvəl də demişdim ki, arxayınlaşmaq olmaz. Rəqib bu gün qladiator kimi döyüşdü. Mənim futbolçularım da əllərindən gələni etdilər. Oyundan sonra onları təriflədim. Məyus olmağa dəyməz. Qarşımızdakı rəqib “Maynts” idi. Yaxşı ki, bu cür oyunlar keçiririk və əsl gücümüzü bilirik. Belə oyunlar çox olmalıdı. Şəxsən mən uduzduğumuza görə üzülmürəm. Çünki üzülmək mənasızdı”.
 
– Oyunda çətin məqamlarda ehtiyat oyunçular skamyasına baxanda nə düşündünüz?

– Rəqibin əvəzetmələrindən sonra oyun daha da sürətləndi. Bu da hesabın dəyişməsində rol oynadı. Mən hər şeyi başa düşürəm. Bilirdim ki, rəqibin yüksək səviyyəli futbolçuları daha çoxdu. Oyunun təhlilini aparacağıq. Komanda bu cür matçlarda necə kompakt oynamalıdı, onu bilməliyik. Hələ çox şey öyrənməliyik. İrəli doğru addımlayacağıq.
 
– Buraxılan qollarda konkret günahkarlar kimlər idi?

– Buraxılan qolda həmişə kiminsə səhvi olur. Müdafiə elə bir mövqedi ki, orda kompakt oynamalısan. Müdafiə olunanda bütün komanda iştirak edir. Biz bunu həmişə təhlil edirik. Kimisə günahlandırmaq istəmirəm. Məsələyə real yanaşmaq lazımdı. Mənfi tərəfləri axtarmıram. Bu gün futbolçularım 2 oyunun ağırlığını qaldırdılar. Rəqibin oyunçuları meydanda sanki “uçurdular”. Bununla ayaqlaşmaq olduqca çətindi. Bugünkü matçın xüsusi göstəricilərinə baxmadan deyə bilərəm ki, Filip Ozobiç hər iki komandanın üzvlərindən çox qaçıb. Futbolçularıma bir daha “afərin” deyirəm.
 
– Teo Uiks və Nika Kvekveskiri olsaydı, “Qəbələ” fərqli oyun sərgiləyə bilərdimi? Bir də bu cür oyundan sonra çempionatda “Qarabağ”la qarşılaşmaq çətin olmayacaq?

– İmkanlarımızı bilirik. Avroliqada çıxış edən komanda 2 güclü heyətə sahib olmalıdı. Təbii ki, Uiks və Nikanın yoxluğu bizim üçün ciddi itki idi. Onlar komandanın aparıcı üzvləridi. Dayaq yarımmüdafiəsində Vitali Vernidubu oynatdıq. Başa düşürük ki, onu həmin mövqedə oynatmaqla artıq nəyisə itiririk. Ümumilikdə, oyunu yaxşı keçirdik. “Qarabağ” da bizim kimi Avroliqada çıxış edir. Odu ki, hər iki komandanın vəziyyəti eyni olacaq. Təəssüf ki, bu gün meydanın vəziyyəti çox yaxşı idi (gülür). İşçilər çox yaxşı çalışıblar. Topu itirəndə üstümüzə sanki tayfun gəlirdi (gülür).

axar.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org