"Neftci"den novbeti inamli qelebe: Addim-addim irelileyir


[r32]
– xeber –
Martın 9-da futbol üzrə Azərbaycan Premyer Liqasının XIX turunda daha bir oyun keçirilib. Turnir cədvəlində beşinci sırada qərarlaşan “Neftçi” komandası “Baksell Arena”da yeddinci sıradakı “Keşlə” klubunu qəbul edib.
Ölkəm.az axar.az-a istinadən xəbər verir ki, baş hakim Ramil Diniyevin idarə etdiyi görüşdə “Neftçi” komandası 3:2 hesabı ilə qalib gəlib. Qarşılaşmada hesabı oyunun 14-cü dəqiqəsində Namiq Ələsgərovun vurduğu qolla “Neftçi” açıb – 1:0. Bundan iki dəqiqə sonra “Keşlə” hesabı bərabərləşdirib. Komandanın ruminiyalı legioneri Adrian Skarlatake fərqlənib – 1:1.
İkinci hissədə flaqman hesab arasındakı fərqi artırıb. İqnasio Herrera matçın 48-ci dəqiqəsində rəqib komandanın qapısına yol tapıb – 2:1. “Keşlə” komandası 57-ci dəqiqədə Pərdis Fərcad-Azadın başla vurduğu topla yenidən hesaba tarazlıq gətirib – 2:2. Görüşə əlavə edilmiş dəqiqələrdə isə Ruslan Abışov komandasının qələbə topunu vurub – 3:2.
Bu oyundan sonra “Neftçi” xallarının sayını 26-ya çatdıraraq beşinci pillədəki mövqeyini qoruyub.
İndiyədək "Neftçi" və "Keşlə" 53 dəfə üz-üzə gəlib. Bunların 26-da flaqman, 13-də "Keşlə"
qələbə qazanıb. 14 qarşılaşmada qalib müəyyənləşməyib.
Topaz Premyer Liqasının XIX turu çərçivəsində martın 10-da “Səbail” doğma meydanda “Sumqayıt” klubunu qəbul edəcək. Turun sonuncu matçında isə “Qarabağ” və “Zirə” klubları qarşılaşacaqlar.
Hazırda turnir cədvəlinə 45 xalla “Qarabağ” komandası başçılıq edir. “Qəbələ” 38 xalla ikinci, “Zirə” 32 xalla üçüncü, “Sumqayıt” 28 xalla dördüncü, “Neftçi” 26 beşinci yeri tutur. Sonrakı yerlərdə “Səbail” (17 xal), “Keşlə” (15 xal) və “Kəpəz” (10 xal) qərarlaşıb.

axar.az

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org