Musteqillik tariximiz bu ilden baslayir – Eskpert

19:54 – xeber – 1918-ci ildə qazanılmış müstəqillik Azərbaycan Cümhuriyyəti kimi, müstəqil hüquqi dövlət aktının qəbul olunması kimi yadda qalıb və biz müstəqillik tarixini məhz 1918-ci ildən başlayırıq, amma Azərbaycanın dövlətçilik ənənəsi çox qədimə gedib çıxır.
 
Bunu Trend-ə siyasi ekspert Bəhruz Quliyev deyib.
 
B.Quliyev bildirib ki, o zaman Azərbaycan xalqı öz müstəqilliyini əldə etdi, amma təəssüflər olsun ki, bu müstəqillik cəmi 23 ay davam etdi: "Ona görə bu müstəqillik qoruyub saxlana bilinmədi ki, o zamankı tarixi şərait və siyasi vəziyyət buna imkan vermədi. Amma o dövrdə müstəqilliyin bünövrəsi qoyuldu".
 
O vurğulayıb ki, 1991-ci ildə Azərbaycanın yenidən qazandığı müstəqillik də həmin tarixi yaşaya bilərdi: "Bilirsiniz ki, SSRİ-nin dağılması ərəfəsində bütün respublikalar müstəqilliyini elan etdi, o cümlədən müdrik Azərbaycan xalqı ayağa qalxaraq öz müstəqilliyini əldə etdi. Ancaq 1993-cü ilin may ayında bu müstəqilliyi itirmək təhlükəsində qalmışdı, yəni cəmi 20 ay çəkmişdi. Ancaq bütün dövrlərdə dövlətin yaşaması üçün lider faktı qəbul olunan faktdır və 1993-cü ildə ulu öndər Heydər Əliyevin hakimiyyətə gəlməsi ilə Azərbaycan öz müstəqilliyini əbədiləşdirdi".
 
B.Quliyev bildirib ki, Cümhuriyyət dövründə bizim üçün fəxarətli illər də var: "Yəni 1918-20-ci illərdə çox işlər görülüb. O dövrdə təkcə dövlət atributlarının qəbulu çox vacib amil idi. Bu gün də həmin bayraq müasir müstəqil Azərbaycan dövlətinin bayrağıdır və bu gün də həmin dövrdə qəbul olunan atributlar müasir müstəqil Azərbaycan dövlətində qəbul olunub. Bugünkü Azərbaycan dövləti həmin dövrdəki Azərbaycan dövlətinin varisidir. Ulu öndər Heydər Əliyev də dəfələrlə qeyd edib ki, müasir Azərbaycan həmin Cümhuriyyətin varisidir".
 
Siyasi ekspert əlavə edib ki, bu gün bəzi siyasi təşkilatlar, partiyalar iddia edirlər ki, Cümhuriyyət hakimiyyətinin nümayəndələri məhz Müsavat Partiyasının üzvü idi, deməli, indiki Müsavat Partiyası onun sələfidir: "Xeyr, elə deyil. Ona görə ki, həmin partiya ilə indiki partiya arasında nə tarixi, nə siyasi-ideoloji əlaqə var. Kimsə iddia edə bilər, kimsə həmin partiyanın nizamnaməsindən, yaxud hansısa bir nümunəsindən istifadə edə bilər. Amma bu o demək deyil ki, bu partiya həmin partiyanın varisidir. O vaxtkı hakimiyyət Azərbaycan xalqının tarixidir, Azərbaycan dövlətinin tarixidir, bununla bağlı heç kim iddia qaldıra bilməz".

axar.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org