Manaf Agayev ve Tacir hebs olunacaq?

4 Oktyabr 2016 17:00 – xeber –
Tanınmış müğənnilər Manaf Ağayev və Tacir Şahmalıoğlu cinayət məsuliyyətinə cəlb edilə bilərlər. Qanun belə tələb edir. Hər iki sənətçinin ATV-nin efirində səsləndirdiyi fikirlər onları dəmir barmaqlıqlar arasına sala bilər.
Qeyd edək ki, sözügedən müğənnilər "ATV xəbər" proqramında toy məclislərində qarşılaşdıqları ağır cinayət hadisələrindən danışıblar. Bıçaqlanma, güllələnmə, ağır bədən xəsarətlərinin şahidi olduqlarını söyləyən M.Ağayev və T.Şahmalıyev tez-tez bu cür cinayət hadisələri ilə qarşılaşdıqlarını bildiriblər.
Olkem.az xeber verir ki, tanınmış hüquqşünas Müzəffər Baxış publika.az-a açıqlamasında cinayəti görüb, hüquq-mühafizə orqanlarına xəbər verməməyə görə şəxsin cinayət məsuliyyəti daşıdığını deyib: "Cinayət məcəlləsinin 307.1 maddəsinə əsasən, ağır və ya xüsusilə ağır cinayətin hazırlanmasını və ya törədilməsini bilərək həmin cinayət barəsində xəbər verməməyə görə şəxs məsuliyyətə cəlb olunur. Həmin şəxs beş yüz manatdan min manatadək miqdarda cərimə və ya iki ilədək müddətə islah işləri və ya iki ilədək müddətə azadlıqdan məhrum etmə ilə cəzalandırılır".
Məsələyə hər iki sənətçinin münasibətini öyrəndik.
Publika.az-a açıqlama verən Manaf Ağayev qəzəbləndi:
"Mən toya gedirəm oxumağa, "işverənliyə" getmirəm ki… Məndən soruşdular ki, Manaf müəllim, getdiyiniz toylarda heç dava-zad olur? Mən də dedim ki, ən çox dava oynamaq üstündə olur. Kənddə bir də görürsən toyda dava düşür, bir-birlərinə yaba vururlar, bıçaqlaşırlar, söyüş söyürlər. Neçə il bundan əvvəlin söhbətini eləyirəm e, təzə xəbər deyil. İkincisinə də qalanda, toy yiyəsi gedib kimisə tutdursun, mən niyə tutdurmalıyam ki? O hüquqşünasa da deyin ki, qardaş, cinayət törədən adam həmin vaxt tutulub, çöldə gəzməyib. Heç mənim də gedib işverənlik eləməyimə ehtiyac olmayıb. Min nəfər toyda iştirak edir, susur, amma mənə deyirlər ki, sən niyə polisə xəbər vermirsən? Heç söhbət deyil e, ağzını açıb, bir kəlmə söz danışırsan, düşürlər üstünə. Günah özümdədir. Adama deyərlər nəyinə lazımdır, kim-kimi vurdu, kim-kimlə davalaşdı. Get efirə, sənətindən danış, çıx gəl evinə də".
Müğənni Tacir Şahmalıoğlu da od püskürdü:
"Əşşi, mən sovetin vaxtında rastlaşdığım hadisələrdən danışıram. Üstündən 30 il keçib. Məndən soruşdu ki, toyda nə üstə dava düşür. Dedim oynamaq üstündə. İndi bu sözümü əllərində bəhanə tutub, düşüblər üstümə. Nəyimə lazımdır gedib kimisə tutdurum? Mən müğənniyəm. Toya adam tutdurmağa gedirəm, yoxsa, oxumağa? Cinayət törədən adamı onsuz da çöldə qoymurlar. Tutub basırlar içəri. Mən desəm də, deməsəm də".

milli.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org