Elxan Elesgerovun qurbetdeki azerbaycanlilarin heyati barede "İtkin zaman" kitabi isiq uzu gorub (FOTO)

7 Yanvar 2016 14:34 – xeber –
Bu yaxınlarda Bakının "Qələm" nəşriyyatı tərəfindən nəşr olunan – müəllifi diplomat, fəlsəfə elmləri doktoru Elxan Ələsgərovun olduğu "İtkin zaman" kitabı işıq üzü görüb. Olkem.az Trend-ə istinadən bildirir ki, uzun müddət xaricdə işləmiş E.Ələsgərov asudə vaxtını tarixin hökmü ilə Vətəndən – Azərbaycandan kənar düşmüş yüzlərlə həmvətənlərimizin axtarışına və onların talelərinin öyrənilməsinə həsr edib.
Müəllif kitabda üstü açılmamış sirlərdən ibarət Azərbaycan tarixinə toxunur. Tarixçilər mənşəyimiz barədə sonsuz mübahisələrlə məşğul olarkən zaman zəngin tarixi keçmişimizin canlı daşıyıcılarını durmadan özü ilə aparır. Onlardan biri Hollandiyanın milli qəhrəmanı olan həmyerlimiz Məmməd Məmmədovdur. Onu yerli sakinlər Medo adlandırıblar.
Azərbaycanlı M.Məmmədov 18 yaşında Zaqatala rayonundan orduya səfərbər edilib və faşist Almaniyasına qarşı döyüşlərdə iştirak edib. Belə döyüşlərin birində Don çayı ətrafında yaralanaraq alman əsirliyinə düşüb. Aralarında xeyli sayda azərbaycanlıların olduğu hərbi əsirləri Hollandiyanın Brabant vilayətinə göndəriblər. Onlardan işçi qüvvəsi kimi istifadə edirdilər.
1944-cü ilin avqustunda M.Məmmədov Hollandiya Müqavimət Hərəkatı ilə əlaqə yaradaraq Niderlandın faşist işğalından azad edilməsi uğrunda birgə mübarizə aparıb. Göstərilmiş qəhrəmanlığa görə Medo Hollandiya Müqavimət Hərəkatı tərəfindən mükafatlandırılır.
Müharibə başa çatdıqdan sonra o, Hollandiyada qalır. M.Məmmədov uzun müddət fabrikdə, kənd təsərrüfatında işləyir və hətta yerli futbol klubunun məşqçisi olur.
1956-cı ildə Medo "Altijd paarat" polis dəstəsində işləyir. O bu müddət ərzində Niderlandın fəxri vətəndaşı adına layiq görülür. Ölkə qarşısında müstəsna xidmətlərinə görə M.Məmmədov 1996-cı ildə indiki Niderland Kraliçası Beatriks Vilhelmina Armqard tərəfindən ölkənin ali mükafatına – "Oranye-Nassau Kral Ordeninin Cəngavəri" adına layiq görülüb. O, 2003-cü ildə dünyasını dəyişib. Ondan sonra hazırda Osterveyk şəhərində yaşayan qızı Nənəxanım (Nensi) qalıb.
"İtkin zaman" kitabı indiyə kimi Azərbaycan oxucusuna naməlum qalan hərbi əsirlərin taleyi barədə bir çox faktlar və fotosənədlərdən ibarətdir. E.Ələsgərovun zəhmətkeş əməyi uzaq Niderlandda öz real bəhrələrini verdi. Belə ki, Osterveyk şəhərində azərbaycanlı Medonun abidəsi qoyulub. Bu tarixə ingilis dilində "Datç Medo" sənədli filmi çəkilib.
Osterveyk şəhərində "Məmməd Məmmədov" adına küçə də var. Layihənin müəllifinin düşüncəsinə görə, "Məmməd" sözü bütün azərbaycanlıları tərənnüm edir və E.Ələsgərov Niderlandda küçənin bu adla adlandırılmasını Avropanın faşizmdən azad edilməsinə görə həlak olmuş bütün "Məmmədov"ların xatirəsinə həsr edib.

milli.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org