Damla artiq olkeye damir:


[r32]
– xeber –
Bərbərxanadayam.
Xəzər TV-də Damla oxuyur.
Evə gedirəm. Taksi keçir.
Damla oxuyur.
Evdəyəm. Anam Xəzər TV-də Zaurun verilişinə baxır.
Damla oxuyur.
Qulaqlığımı taxıb Yutuba girirəm. Budur: Damla və Pərviz Bülbülə. Baxış sayı o qədər çoxdu ki, “Tereza Mey Rusiya haqda” yazıram, Damla çıxır.
Bərbərxanadan evə, taksidən internetə damlayır.
Quqlda axtarış üzrə birinci siyahıdadı.
Az qala, ölkənin yarısına damıb.
Nə damır görən, hamı qaçır üstünə?
Damla – damcı-damcı göl oldu.
Zövq müzakirə olunmaz, seçim azad. Amma bu, zövq yox, zövqsüzlükdü.
Üzeyiri sevən qızlarla Damlanı sevən oğlanlar düz mütənasib.
O qızlarla bu oğlanlar evlilik yaşına çatıblar, artıq cütləşmə dövründədilər. Bədbəxtlik bu insanlar cütləşəndən sonra gələcək…
Tezliklə balalayacaqlar.
İşıqlı insanlar, faydalı başlar, aydınlar azalmaqda…
Bilginlər ölümə çatır, Üzeyir Damlayır.
Damcı-damcı damlalar, balaca-balaca talıblar gəlir…
Kimə necə rahatdı geyinsin, kimə nə xoşdu dinləsin, amma bu insani erroziyadı. Mənəvi infeksiyadı. Damlanı dinləyən, Talıb Taleyə kövrələn insanlar ölkəyə, millətə faydalı olmayacaq.
Cahillikdi, nadanlıqdı, biabırçılıqdı.
Başa düşürəm, deyəcəksiz ki, adam kimə istəsə qulaq asa, ieçdiyi adamın da fanatı ola bilər – sənə nə? Amma düşünmürsüz ki, bunu mən də bilirəm.
Deyirəm ki, bu damlalar terrorun musiqi növü ilə məşğuldu.
Bəli. Gənclərin beyinləri yanır, faydalılıq əmsalı sıfıra enir.
Təfəkkürü ya söz kimi, ya da sənət halında maddiləşir.
Bu adamlar nə ilə məşğuldu, bilmirəm, daha çox özünüreklam demək olar, amma hər nədisə, sənət deyil.
Bizə qalır sözlərə baxmaq. Danışdırsan, ümumi söz bazası 300-ü keçməz. O da şablon, ölü sözlər. Daha çox təfəkkürün vərdiş halı. Ki, zəka mexanizmi əlil, vərdiş halında, köçürmə yolu ilə düşünər.
Oxuduğu – musiqi deməyə də dilim dönmür, hər nədisə, – sözlərə fikir verin: “Ayrılıq”, “sən getdin”, “darıxıram”, “gəl”, “aldatdın”, “insafsız” və sair… bu qəlibdən düşükləmə və bayağılıq.
Kövrələnlər kimdi? Ən böyük dərdi sevgilisinin getməyi, tərk etməyi, başqasıyla sevişməyi olanlar.
İndi qulaq asın. Dekatra deyir ki, təfəkkür qarşı tərəflə dil – söz vasitəsi ilə uzlaşır. Diqqətli olaq: bədən dili ayrıdı. Söhbət eyni dildə danışan adamların dil-söz enerjisindən gedir. Musiqi və şeir yolu ilə qarşı tərəfin təfəkkürün oxşamaq, qucaqlamaq və sahiblənmək olar.
Daha sonra təfəkkür bütünləşir və köçürmə yolu ilə – Damlada olduğu kimi – sahibindəki kimi formalaşır. Növbəti düşüncə mərhələsi ondan sənə köçürüləndir.
Danışıq dili 150-200 kəlmə/dəqiqə, oxuma dili isə 200-250 kəlmə/dəqiqə ikən, düşünmə dili 1300/1800 kəlmə/dəqiqə səviyyəsindədi.
Belə olan halda kifayət qədər söz, anlam, qavrama sahib olmayan beyin bu sürətli dünya ilə ayaqlaşa bilməz.
200 kəlmə ilə düşünən 2000 kəlmə ilə düşünəni anlaya bilməz. İbrahim bəy demiş, ‘’Dilin qədər varsan’’.
Dilimiz qədər varıq…
Sosial sifariş bilirsiz nədi? – Hardan biləsiz.
ELON MASKI tanıyan adam, sənaye inqilabının yeni mərhələsindən xəbərdar olan biri Damlaya kövrələrmi? Talıb Taleni dinləyərmi?
Bostonda hazırlanan "yeni sevgi" layihəsi, birbaşa cütlərin xoşbəxtlik faizini "ölçür".
Bilirsiz necə? – sidiklə. Qızla oğlanın sidik analizi ilə.
Üç damla sidik.
Romantikaya, şeirə, Damlaya ehtiyac yoxdu.
Layihədə iştirak etməklə evlənəcəyin, birgə yaşayacağın cinsin bütün xarakteristikası, psixikası, stixiyası haqqında dəqiq, qərəzsiz məlumat, həyat prosesində yaranan maddi-mənəvi situasiyalar zamanı reaksiyası, münasibətlərin gedişatına münasibəti barədə informasiya almaq olar.
Xüsusi "çip" hazırlayırlar. Bu layihə sıradan çıxan daxili orqanlar haqqında əvvəlcədən xəbər verir, orqanların daha nə qədər davam gətirəcəyi barədə məlumatı yaddaşına köçürür. "Çip"i udursan və bütün daxili orqanların haqqında məlumatı ötürür kompüterə. Bu layihənin məqsədi ötürülən məlumatlar əsasında sıradan çıxan, ya da gələcəkdə ömrünü başa vuracaq orqanların bərpası, əvəzlənməsidi.
Nəticədə insan ömrü artırılacaq, ölümün yaş həddi uzadılacaq…
Maskın Marsda həyat layihəsi gerçəkləşir.
Gələn həftə dünyada ilk dəfə ölü bədənə baş nəql edəcək italiyalı cərrah.
Və sair.
Bu təkcə son ayların yenilikləridi!
Kül başımıza…

axar.az

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org