Bu elametler varsa, derhal psixoloqa gedin – Hekim


[r32]
– xeber –
Tanınmış pediatr Vaqif Qarayev son illər valideynlərin uşaqlarını tez-tez psixoloqa, mental arifmetika kurslarına, loqoped yanına apardığını bildirib.
Həkim hesab edir ki, ehtiyac yaranmadığı təqdirdə valideynlərin uşağı bu kimi ixtisas sahiblərinin yanına göndərməsi onların həddən artıq yüklənməsinə səbəb olur:
“Kimə baxırsan deyir, uşağın yaddaşı yoxdur, mental arifmetika kurslarına aparıram. Bir başqası deyir, üç yaşına kimi öz dilimizdə danışmağa başladı, indi türk, ingilis sözlərindən daha çox istifadə edir, ona görə loqopedə aparıram. Digəri deyir, 3-4-cü siniflərdə yaxşı oxuyurdu, indi zəifləyib, psixoloqa aparıram. Uşaqda baş verən hər adi və normal hallara qarşı uşağı belə peşə sahiblərinin yanına aparmazlar. Uşağın nəyisə az, nəyisə çox bilməsi, əvvəl bilib, sonra bilməməsi onda problemin olduğunu deməyə əsas vermir. Uşaqlarınızı yükləməyin”.
Son vaxtlar həqiqətən də psixoloqların azyaşlı pasientləri artıb. Buna səbəb nədir? Ümumiyyətlə, valideynlər uşaqda hansı halları müşahidə edəndə mütəxəssisə, psixoloqa müraciət etməlidirlər?
Bu barədə Axar.az-a danışan psixoloq Gülnar Orucova bildirib ki, hər adi problemdə uşağı psixoloqa aparmaq düzgün deyil:
“Uşaqda davranış pozuntuları müşahidə edilən zaman psixoloqa müraciət etmək lazımdır. Əvvəllər çətin tərbiyə olunan uşaqları pedaqoqlar öz sistemlərinə uyğun olaraq tərbiyə edirdilər. İndi uşaqlar həddən artıq aqressiv olduqları üçün müəllimlər özləri uşaqları psixoloqa yönəldir. Əgər uşaqda davranış pozuntuları varsa, valideyn psixoloqa müraciət etsə, yaxşı olar. Söyüş söymək, hədsiz aqressiv davranmaq, başqalarına qarşı zorakılıq tətbiq etmək, sidik qaçırmaq, qısqanclıq, uğursuzluğa görə mübarizə aparmamaq hallarında psixoloq dəstəyi almaq vacibdir”.
Psixoloq qeyd edib ki, 3 yaşlı uşağın etdiyi hərəkəti 5 yaşlı uşağın etməsi normal deyil. Bu artıq uşaqda psixoloji problemin olması deməkdir:
“Bəzən valideyn deyir, uşağımın 3 yaşı var, ağlayır, hər şey istəyir, özünü yerə sürtür, sakitləşdirə bilmirəm, psixoloqa aparım gərək. Əslində, uşağın 3 yaşına kimi bu hərəkətləri etməsi çox təbiidir. Əgər 4-5 yaşında bu hərəkətləri edərsə, o zaman psixoloqa müraciət olunmalıdır”.
G.Orucova bildirib ki, son vaxtlar xüsusilə autizmdən əziyyət çəkən uşaqların müalicəsində bəzi ixtisas sahibləri öz maraqlarına uyğun hərəkət edirlər:
“Hazırda ən çox rast gəldiyimiz autizmin spektr pozuntusunun bir neçə əlaməti olan uşaqlardan, autizm diaqnozu qoyulan mərkəzlərdə pedaqoq, psixopedaqoq, defeqtoloq, psixoloq, refleqsoloq bir çox ixtisas sahibi kommersiya məqsədilə istifadə edir”.

axar.az

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org