Bizim elaqelerimiz qardasliq elaqesidir – Vasif Talibov

22:14 – xeber – İyunun 11-də Acarıstan Muxtar Respublikasının nümayəndə heyəti Naxçıvan Muxtar Respublikasına işgüzar səfərə gəlib.
 
Naxçıvan Muxtar Respublikası Ali Məclisinin mətbuat xidmətindən Axar.az-a bildirilib ki, Naxçıvan Muxtar Respublikası Ali Məclisinin Sədri Vasif Talıbov və Acarıstan Muxtar Respublikası Hökumətinin sədri Arçil Xabadzenin iştirakı ilə nümayəndə heyətləri arasında görüş olub.
 
Ali Məclisin Sədri Azərbaycanın Naxçıvan Muxtar Respublikası ilə Gürcüstanın Acarıstan Muxtar Respublikası arasında 2012-ci ildə əsası qoyulmuş mehriban dostluq və əməkdaşlıq əlaqələrinin bu gün uğurla davam etdirildiyini bildirib, bu əlaqələrin davamı olaraq dəvəti qəbul edib, Naxçıvan Muxtar Respublikasına səfərə gəldiyinə görə Acarıstan Muxtar Respublikası Hökumətinin sədrinə təşəkkür edib.
 
Ali Məclisin Sədri deyib ki, Naxçıvan Muxtar Respublikası ilə Acarıstan Muxtar Respublikası arasında əlaqələr hər iki tərəfin səyi ilə ilbəil genişlənir. Hazırda ticarət-iqtisadi, səhiyyə və təhsil sahəsində əlaqələr əməkdaşlığın böyük potensiala malik olduğunu göstərir. Hər iki muxtar respublikanın ali təhsil müəssisələri – Batumi Dövlət Universiteti ilə Naxçıvan Dövlət Universiteti arasındakı əlaqələr təhsil sahəsində əməkdaşlıq üçün yaxşı əsaslar yaradıb. Biz səhiyyə sahəsində əlaqələrə də böyük əhəmiyyət veririk. Acarıstanlı uşaqların müalicə üçün Naxçıvana gəlməsi hər iki tərəfdən yetişməkdə olan nəslin sağlam böyüməsinə göstərilən qayğının ifadəsidir. Biz bu il də qardaş acarıstanlı uşaqların müalicəsini davam etdirəcəyik. Dərinləşən əməkdaşlığımız birbaşa nəqliyyat əlaqəsinin yaradılmasını da zərurətə çevirib. Yeni Naxçıvan – Batumi avtobus marşrutu açılıb. Bütün bunlar hər iki muxtar respublika arasında daha sıx əlaqələri təmin edəcəkdir. “Bizim əlaqələrimiz – qardaşlıq əlaqəsidir”, – deyən Ali Məclisin Sədri vurğulayıb ki, biz bundan sonra da Azərbaycan – Gürcüstan əlaqələrinin tərkib hissəsi kimi Naxçıvan – Acarıstan əlaqələrinin davamlı olmasına və digər sahələrdə də inkişaf etdirilməsinə səyimizi artıracağıq.
 
Acarıstan Muxtar Respublikası Hökumətinin sədri Arçil Xabadze Naxçıvan Muxtar Respublikasına səfərə dəvətə və göstərilən səmimi münasibətə görə Ali Məclisin Sədrinə minnətdarlıq edib, Naxçıvanda olmaqdan məmnunluğunu bildirib. Qonaq deyib ki, hər iki muxtar qurum arasında həyata keçirilən qarşılıqlı səfərlər, Naxçıvan və Batumi şəhərləri arasında əməkdaşlığa dair memorandumun imzalanması öz bəhrəsini verib, ötən dövrdə əlaqələr sürətlə inkişaf edib. Bu gün Acarıstan və Naxçıvan muxtar respublikaları arasında əlverişli biznes və investisiya mühiti mövcuddur. Hazırda iqtisadi-ticarət, təhsil, səhiyyə və nəqliyyat sahəsində əlaqələr inkişaf etdirilir.
 
Naxçıvanın mövcud iqtisadi potensialının məmnunluq doğurduğunu vurğulayan Arçil Xabadze bundan sonra da ikitərəfli əlaqələrin inkişafı üçün səylərin göstəriləcəyini bildirib.
 
Görüşdə qarşılıqlı əlaqələrin perspektivləri nəzərdən keçirilib, əməkdaşlığın daha da genişlənəcəyinə əminlik ifadə olunub, xatirə şəkli çəkdirilib.
 
Azərbaycan Respublikasının Batumidəki Baş konsulu Rəşad İsmayılov görüşdə iştirak edib.

axar.az

Yorum Gönderin

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org