Azərbaycanin da təsiscisi oldugu dunya banki isə basladi

10:40 – xeber – Azərbaycanın da təsisçisi olduğu Asiya İnfrastruktur İnvestisiyaları Bankı (AİİB) işə başlayıb.
 
ANS-in məlumatına görə, yeni maliyyə təşkilatının ilk prezidenti Çinin keçmiş maliyyə nazirinin nazir müavini Szin Lisyun seçilib. 
 
Asiya İnfrastruktur İnvestisiyaları Bankının ən böyük həmtəsisçiləri sırasında ilk beşlikdə Çin, Hindistan, Rusiya, Almaniya və Cənubi Koreya dayanır. 
 
Yeni maliyyə təşkilatı Dünya Bankının potensial rəqibi hesab edilir. Bankın açılış mərasimində Çin Xalq Respublikasının prezidenti Si Tsinpin də iştirak edib. 
 
Bankın nizamnamə kapitalı 100 milyard dollar təşkil edir. Azərbaycanın da təsisçiləri sırasında olduğu Asiya İnfrastruktur İnvestisiyaları Bankının yaradılması haqqında saziş 2015-ci il iyunun 29-da Pekində 57 ölkə tərəfindən imzalanıb. Sənədi imzalayan ilk ölkə Avstraliya olub. Azərbaycan hökuməti adından isə sazişə maliyyə naziri Samir Şərifov imza atıb. 

AİİB-in yaradılması təşəbbüsünü 2013-cü ilin oktyabrında Çin Xalq Respublikasının sədri Si Cinpin irəli sürüb. Çin liderinin bu təklifi bir çox ölkələr tərəfindən dəstəklənib. 2014-cü ilin oktyabrında Pekində 22 ölkə AİİB-in yaranmasına hazırlıq barədə memorandum imzalayıb. 
 
Bankın təsisçiləri arasında Azərbaycanla yanaşı Hindistan, Sinqapur, Vyetnam, Filipinlər, Monqolustan, Banqladeş, Bruney, Kamboca, Qazaxıstan, Rusiya, Küveyt, Laos, Malayziya, Myanma, Nepal, Oman, Pakistan, Qətər, Şri-lanka , Tailand, Özbəkistan da var. Bankın qərargahı Pekində yerləşir. 
 
Əsasən Asiya regionunda infrastrukturun inkişaf etdirilməsini dəstəkləyəcək bankın nizamnamə kapitalı 100 milyard ABŞ dolları məbləğində müəyyən edilib ki, bunun da təxminən 75 faizini Asiya ölkələri təmin edəcək. 
 
Hazırda bankla 57 ölkə əməkdəşlıq edir. Böyük Britaniya, Almaniya, Fransa və İtaliya digər Avropa dövlətlərinin bankla əməkdaşlıq etməsi ABŞ-ın etirazına səbəb olub. Adı çəkilən dövlətlər bankda 25% paya sahibdirlər. 

axar.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org