09:35 – xeber – İran ABŞ-dan aldığı 1,7 milyard dollar vəsaiti hərbi gücünün möhkəmləndirilməsinə yönəldib.
Ölkəm.az axar.az-a istinadən xəbər verir ki, bu barədə “Vaşinqton Fri Bikon” (The Washington Free Beacon) nəşrində məlumat verilib.
Məlumata görə, Tehrana ödənilən vəsait amerikalı vergi ödəyicilərindən yığılan pullar hesabına reallaşıb.
İran isə hərbi gücünü artırmaq məqsədi ilə bu vəsaiti Fars körfəzində möhkəmlənmək, Rusiya istehsalı Su-30 SM döyüş təyyarələrinin və S-400 “Triumf” zenit-raket kompleksinin alınmasına yönəldib.
Xatırladaq ki, bu ilin əvvəlində rəsmi Vaşinqton uzun illər davam edən hüquqi mübahisələri nizamlamaq məqsədi ilə İrana 1,7 milyard dollar ödəyib.