ABŞ agir zerbe aldi: Ankaraya qarsi sert siyaset baslayir?


[r32]
– xeber –
BMT-nin Baş Assembleyasında keçirilən Qüds müzakirəsi ABŞ-ın beynəlxalq münasibətlərdəki roluna çox ağır zərbə vurdu. Bu, dünyada ABŞ-ın mövqelərini ciddi surətdə zədələyəcək. Bu zədələmə prosesindən sonra ABŞ-ın dünya siyasətinə təsir imkanları da zəifləyəcək. Bu da ABŞ-ın dünya düzəninə verdiyi töhfəyə ciddi xələl gətirə bilər.
Bu sözləri Axar.az-a politoloq Qabil Hüseynli BMT Baş Assambleyasında keçirilən səsvermə zamanı ABŞ Prezidenti Donald Trampın Qüdsün statusu ilə bağlı qərarının rədd edilməsindən sonra ABŞ-ın Türkiyəyə qarşı siyasətinin necə olacağı ilə bağlı məsələni şərh edərkən deyib. O bildirib ki, əgər ABŞ bu mövqeyindən əl çəksə, onda münasibətlərin normallaşması istiqamətində ciddi dönüş olacaq:
“Ancaq bunun əksi davam edərsə, Türkiyəyə qarşı ABŞ-ın xüsusi təxribatlar həyata keçirdiyini müşahidə edəcəyik. Bu təxribatların başında Türkiyənin NATO-dan uzaqlaşdırılması, Türkiyəyə qarşı müəyyən iqtisadi sanksiyaların tətbiqi yer ala bilər. Ancaq bunu da qeyd etməliyəm ki, iqtisadi sanksiyaları tətbiq etmək üçün ABŞ-ın əlində hər hansı bir əsas yoxdur. Amma ABŞ hər zaman Türkiyəyə qarşı silahların satışında bir növ embarqo siyasəti tətbiq edir. Yəni müasir texnologiyaya əsaslanan yeni tipli silahların Türkiyəyə satılmasını qadağan edir. Məsələn, Türkiyə uzun illərdir çalışır ki, ABŞ-dan “Patriot” tipli hava hücumundan mübarizə sistemləri ala bilsin. Amma ABŞ Türkiyənin bu istəyini həyata keçirmədiyi üçün Türkiyə üzünü Rusiyaya çevirdi. Rusiyadan S-400 zenit raket komplekslərini almaq üçün razılaşdı”.
Politoloq qeyd edib ki, ABŞ Avropa ölkələrini də Türkiyəyə qarşı addımlar atmağa təhrik edə bilər:
“Onsuz da Avropa Birliyi ilə Türkiyənin münasibətləri yaxşı deyil. Doğrudur, Avropa Birliyinin Türkiyə ilə müzakirələri davam edir. Amma bu müzakirələr çox sönük və uzun fasilələrlə həyata keçirilir. Ona görə də hətta müzakirələri dayandırmaq üçün ABŞ təşəbbüs göstərə bilər”.
Politoloq vurğulayıb ki, ABŞ həmçinin Qüds müzakirəsində ABŞ-a qarşı səs verənlərə maliyyə yardımını dayandıracağı ilə bağlı da hədələmişdi:
“Elə bu sanksiyalar Türkiyəyə də tətbiq edilə bilər. Ancaq Trampın siyasətinin dalana dirəndiyi göz qabağındadır. Xüsusilə Qüdslə bağlı addımı tamamilə fiaskoya uğrayıb. Bu proses həm də Trampa qarşı impiçment siyasətinin tezləşməsinə gətirib çıxara bilər. Onsuz da Rusiya ilə əlaqələrin araşdırılması məqsədilə xüsusi prokuror təyin edilib və o, Rusiya ilə Trampın əlaqələrini sübuta yetirəcək faktlar toplamaqdadır. Əgər bu faktlar tapılsa, impiçment prosesi başlaya bilər”.
Qeyd edək ki, BMT Baş Assambleyasında keçirilən səsvermə zamanı ABŞ Prezidenti Donald Trampın Qüdsün statusu ilə bağlı qərarı rədd edilib. Qətnamənin lehinə 128, əleyhinə 9 səs verilib, 35 ölkə bitərəf qalıb, 20 dövlət isə ümumiyyətlə səsvermədə iştirak etməyib.

axar.az

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org