"18 yasim yoxdur ki, hec neyi anlamayim"

4 Yanvar 2016 20:23 – xeber –
Olkem.az “Qarabağ”ın kapitanı Rəşad Sadıqovun azerisport.az saytına müsahibəsini təqdim edir:
– Ötən ili karyeranızın ən uğurlusu saymaq olar?
– Ən yaxşılardan biri oldu. “Qarabağ”la qızıl dubla imza atdıq. Yenə Avropa Liqasının qrup mərhələsində oynadıq. AÇ-2016-nın qrup mərhələsi çərçivəsində uğurlu oyunlar keçirdik. Həmçinin, ötən il milli komandamızda 100-cü oyunuma çıxdım. Bu da məndə fəxr hissi yaradır. Bunu həmişə arzulayırdım.
– Premyer Liqada hər şey “Qarabağ”ın istədiyi kimi gedir?
– Mövsümün əvvəlində mənə “Qəbələ”ni 10 xal qabaqlayacağımızı desəydilər, buna inanmazdım. Avropa Liqasının qrup mərhələsinə vəsiqə qazandıqdan sonra bizi çətin mövsüm gözlədiyini anladıq. Amma indi liderliyimizi inamla davam etdiririk. Bütün çətinliklərə baxmayaraq, bu, bizi sevindirir. Lakin bu, arxayınlaşmağımıza əsas vermir. “Qəbələ”nin ötən mövsüm qış fasiləsindən sonra necə oynadığını yaxşı xatırlayıram. Onların elə 10 oyunluq qələbə seriyası nəyə desəniz, dəyər. Mövsümün qalan dövrünə ciddi hazırlaşmağımız lazımdır. Əks halda ciddi problemlərimiz yarana bilər.
– Yeni ildən nə gözləyirsiniz?
– Yeni ildən həmişə yaxşı şeylər gözləyirlər. Təbii ki, mənim də gözləntilərim müsbətdir. İstəyərdim ki, şəxsi və peşəkar həyatım uğurlu keçsin. Amma nəyin necə olacağını zaman göstərəcək. Ümid edirəm ki, 2016-cı il də 2015-ci il kimi uğurlu olacaq.
– Manatın devalvasiyasının futbolumuza təsiri barədə nə düşünürsünüz?
– Bu, həm həyatımızda, həm də idmanda təsirsiz ötüşməyəcək. Şübhəsiz ki, futboldan da yan keçməyəcək. Belə çətin vaxtlarda bir olmağımız lazımdır. Həyatda çətinliklər qaçılmazdır. Hətta varlı ailələrdə də müəyyən dövrlərdə çətin anlar olur. Səbrli olmaq lazımdır. Bu dövr Azərbaycan futbolu üçün imtahan olacaq. Zəif və güclü cəhətlərimizi görəcəyik. Bu mərhələni layiqli şəkildə keçməliyik. Bütün bunlar oyunumuza təsir etməməlidir.
– Hakimlər Komitəsi, “Neftçi” Türkiyə toplanışından imtina etdi. Sizcə, vəziyyət o dərəcədə pisdir?
– Bunu haradasa başa düşmək olar. 18 yaşım yoxdur ki, heç nəyi anlamayım. Bu sahədə kifayət qədər təcrübəli adamam və işlərin nə yerdə olduğunu bilirəm. Bəzən çətinliklər belə addımlar atmağı qaçılmaz edir. Ümid edirəm ki, klublarımız, futbolumuz bu çətinliklərlə çox üzləşməz və tezliklə hər şey yaxşı olar.
– Bəs sizin klub hansı çətinliklərlə üzləşib?
– Yaxşı və çətin anlarımızda həmişə sakitliyimizi qorumağa çalışmışıq. Belə vəziyyətlərdə psixoloji amillər çox önəmlidir. Xüsusilə də idmanda.
– “Qarabağ”ın heyətini gücləndirməsi lazımdırmı?
– Hər bir komanda istənilən halda güclənməyə ehtiyac duyur. Bir futbolçunun yerinə daha güclüsünü gətirə bilirsənsə, bunu etməlisən. Zədəlilərimiz var. Onların da tezliklə sıraya dönməsini arzulayırıq.
– Sizcə, yığmamızın baş məşqçisi Robert Prosineçki ona bəslənilən ümidləri doğrulda biləcək?
– Onun gəlişindən sonra oyunumuzda və nəticələrimizdə ciddi dəyişikliklər baş verib. Onunla söhbətlərimizdən də görürəm ki, ancaq müsbət nəticələrə köklənib. Azərbaycanda uğur qazanmaq istəyir. Bunu futbolçulara da aşılayır. Futbolla yaşayan insandır. Növbəti seçmə mərhələ mənim üçün sonuncu tsikl olacaq. İstərdim ki, bu tsikl yaddaqalan olsun.

milli.az

Yorum Gönderin

E-posta hesabınız yayımlanmayacak. Gerekli alanlar * ile işaretlenmişlerdir

Arabic ar.wikiapp.org
Chinese (Simplified) zh-CN.wikiapp.org
Croatian hr.wikiapp.org
Czech cs.wikiapp.org
Danish da.wikiapp.org
Dutch nl.wikiapp.org
Finnish fi.wikiapp.org
French fr.wikiapp.org
German de.wikiapp.org
Greek el.wikiapp.org
Hindi hi.wikiapp.org
Italian it.wikiapp.org
Japanese ja.wikiapp.org
Norwegian no.wikiapp.org
Polish pl.wikiapp.org
Portuguese pt.wikiapp.org
Russian ru.wikiapp.org
Spanish es.wikiapp.org
Swedish sv.wikiapp.org
Indonesian id.wikiapp.org
Serbian sr.wikiapp.org
Slovak sk.wikiapp.org
Ukrainian uk.wikiapp.org
Hungarian hu.wikiapp.org
Turkish tr.wikiapp.org
Persian fa.wikiapp.org
Afrikaans af.wikiapp.org
Azerbaijani az.wikiapp.org