Ölkəm.az




Ölkəm.az » Xəbərlər» Xəbər

"Nar" telim kurslarina basladi – Foto

7 views07/11/2016

17:44

– xeber – “Nar”-ın korporativ sosial məsuliyyət (KSM) strategiyası çərçivəsində həyata keçirilən və mobil operatorun ünsiyyət məhdudiyyətli vətəndaşların cəmiyyətə inteqrasiya etdirilməsinə davamlı dəstək konsepsiyasının bir hissəsi olan “Təlim məktəbi” layihəsi rəsmən start götürüb. 

Ölkəm.az axar.az-a istinadən xəbər verir ki, “Uğur akademiyası” və “Asan könüllüləri” ilə birgə “Həyat bizimlə daha rəngarəng” şüarı altında reallaşdırılan layihə çərçivəsində unsiyyət məhdudiyyətli vətəndaşlardan ibarət ilk qrup 7 noyabr 2016-cı il tarixində artıq dərslərə başlayıb.

 

75 nəfərədək ünsiyyət məhdudiyyətli gəncin iştirakı nəzərdə tutulan kurslar “Təlim məktəbi” layihəsinə görə tədrisi planlaşdırılmış dörd istiqamətdən biri olan dizayn proqramları ixtisası üzrə start götürüb. 

 

Qeyd edək ki, təlimlər unsiyyət problemləri olan gənclər üçün xüsusi tərcüməçi vasitəsilə reallaşacaq. Kursun rəhbəri bu sahə üzrə peşəkar mütəxəssis olan Günay Əmirovadır.

 

Eyni zamanda, 7 noyabrdan etibarən, layihə heyəti tərəfindən dəvət olunmuş psixoloq tərəfindən kurs iştirakçılarının peşə potensialları qiymətləndiriləcək, həftə ərzində təşkil olunacaq görüşlərdə özünə inam və motivasiyanın artırılmasında onlara yardım ediləcək.  

 

Xatırladaq ki, “Nar” artıq 3 ildir ki, özünün KSM strategiyası çərçivəsində fiziki məhdudiyyətli Azərbaycan vətəndaşlarının cəmiyyətə qazandırılması istiqamətində müxtəlif addımlar atır. Bu istiqamətdə bir çox sosial layihələr həyata keçirmiş mobil operator həmçinin 11 nəfər ünsiyyət məhdudiyyətli vətəndaşı işlə təmin edərək, Azərbaycanın biznes mühitində parlaq nümunə göstərib. “Nar” özünün müvafiq konsepsiyasına uyğun olaraq, gələcəkdə də bənzər layihələrə imza atmağı və bu kimi təşəbbüslərə davamlı dəstək verməyi nəzərdə tutur.

 

“Nar”KSM strategiyası haqqında daha ətraflı məlumatı "nar.az" saytından əldə etmək olar.

axar.az



Şərh yazılmayıb.

Şərh yaz.




           
MARAQLI
Maraqlı
- Sitemap - sitemap haqqinda xeberler about profiles about profiles sitemap Son Xeberler - Son Xəbərlər xeberler