Ölkəm.az




Ölkəm.az » Xəbərlər» Xəbər

Maasini ala bilmeyen genc ozunu gulleledi

26 views11/03/2016

17:24

19:16 – xeber – Salyan rayonunda intihar hadisəsi baş verib.
 
Rayonun Polis İdarəsindən ANS-ə verilən məlumata görə, hadisə bir neçə saat əvvəl Dağüstü kəndində qeydə alınıb. İmişli rayon sakini 1986-cı il təvəllüdlü Təbəssüm Tahir oğlu Cəfərov özünü Dağüstü kəndi ərazisində işlədiyi fermada güllələyib. Odlu silahdan açdığı atəş nəticəsində ağır bədən xəsarəti alan 30 yaşlı kişi hadisə yerində dünyasını dəyişib.
 
Hadisəyə ilkin ehtimal kimi, onun işlədiyi fermadan məvacibini ala bilməməsi göstərilir. Bildirilir ki, Təbəssüm Cəfərov fermanın sahibindən onun maaşını verməsini istəyib. Ferma müdiri isə hələlik pulunun olmadığını, bir az səbr etməsini bildirib. T. Cəfərov isə özünü güllələyəcəyini deyib və ov tüfəngini əlinə alıb. Həyat yoldaşı ona mane olmaq istəsə də bunu nail ola bilməyib və 30 yaşlı kişi niyyətini həyata keçirib. Dünyasını dəyişən şəxsin iki azyaşlı övladı var.
 
Faktla bağlı Salyan rayon Prokurorluğunda Cinayət Məcəlləsinin 120-ci (Özünü öldürmə həddinə çatdırma maddəsi) ilə cinayət işi açılıb, araşdırma aparılır.
 
Ölkə ərazisində sonuncu güllələnmə faktı ötən gün axşam saatlarında Zərdab rayonunda baş verib. Rayonun Şahhüseynli kənd sakini, 1993-cü il təvəllüdlü Rahim Əhmədli ov tüfəngini təmizləyərkən ehtiyatsızlıqdan ağız nahiyəsindən atəş açaraq özünü güllələyib. Nəticədə o, ağır xəsarətlər alıb və paytaxtdakı akademik Mirqasımov adına Respublika Klinik Xəstəxanasına çatdırılıb və əməliyyat edilib.
 
ANS-in kənd sakinlərindən əldə etdiyi məlumata görə isə R. Əhmədlinin atası uzun müddətdir ki, xəstəlikdən əziyyət çəkirmiş və gənc də atasının xəstə halını görməmək üçün intihar məqsədi ilə belə bir addım atıb. Hadisənin daha dəqiq səbəbləri aparılan araşdırmalardan sonra məlum olacaq.

axar.az



Şərh yazılmayıb.

Şərh yaz.




           
MARAQLI
Maraqlı
- Sitemap - sitemap haqqinda xeberler about profiles about profiles sitemap Son Xeberler - Son Xəbərlər xeberler