Ölkəm.az




Ölkəm.az » Xəbərlər» Xəbər

Gulay: "Mene milyon verseler de…" (FOTO)

22 views19/11/2016

11:00

19 Noyabr 2016 12:57 – xeber –
"ARB Ulduz"da yayımlanan "Şou məkan" verilişinin növbəti qonağı müğənni Gülay Zeynallı olub.

Olkem.az xəbər verir ki, sakit və təmkinli, hər zaman formada qalan, qalmaqallardan ətəyini yan qaçıran müğənni sənət yeniliklərindən danışaraq maraqlı açıqlamalar verib:

"Yeni musiqilərim var. Birinci həzin bir mahnıdır, "sənli günlərimə bağışla məni" adlanır. Sözləri Nazim Əjdərə, musiqisi isə İlhamə Adilqızına məxsusdur. Çox gözəl musiqidir.

İkinci mahnımız isə oynaq bir musiqidir. Özbək  mahnısıdır. Sadəcə olaraq, biz ona yeni sözlər yazdırmışıq. Aranjman İlkinə məxsusdur. Mahnı "Oyna" adlanır. Zəmanə mahnısıdır".

"Oyna" bir az "çörəkli" mahnıdır. Anam deyir ki, belə mahnılar oxuma! Xalq, bəstəkar mahnıları oxu! Deyirəm, yox belə mahnılar da oxumaq lazmdır".

Gülay acığa düşüb özbək mahnısını anonim kimi təqdim edəcəyini bildirib:

"Heç araşdırmamışam, əcəb edirəm. Kim bizim mahnını oxuyur, deyir, anonimdir. İndi mən də harda oxusam, deyəcəm, anonimdir. Türklər bizim mahnıları oxuyur, biz oxuyanda olmur?"

"Bir musiqimiz daha hazırdır. Bu yaxınlarda onu da ifa edəcəm. Elmira Rəhimovadan çox gözəl bir musiqidir. Heç kim onu ifa eyməyib. Düzdür, son zamanlar mənim bəzi mahnılarımın bəxti açılıb. Çalışıram ki, bütün təbəqələrin zövqünü oxşamağı bacarım".

Bəzilərindən fərqli olaraq, ifaçı öz ruhuna uyğun olmayan mahnı sözlərini nə qəbul edir, nə də oxuyur:

"Mən sözlərə çox əhəmiyyət verirəm. Mahnını da seçəndə, ilk növbədə, onun sözlərinə qulaq asıram. Elə mahnı sözləri olur ki, deyirəm mənə milyon versələr də, bunu oxumaram. Mən heç vaxt mahnı ifa edəndə düşünmürəm ki, mahnı "tutsun". O mahnını mən bəyənirəmsə, ifa edirəm".

Mehriban ailənin şirinliyini dadan Gülay ailəsi haqda da danışıb, onu yerə-göyə sığdıra bilmədi.

"Ailə Allahın verdiyi ən gözəl nemətdir. Övlad, ailə hissi heç nə ilə müqayisə oluna bilməz. Şükr edirəm ki, sənətim və ailəmi bir arada davam etdirə bilirəm. Düşünürəm ki, karyeradan da önəmli ailədir".

Gülayın övladı üçün prinsipləri də var.

"Mən onu tez-tez məclislərə aparmıram. O, hələ uşaqdır, müəyyən yaşa kimi nazı ilə oynamaq lazımdır. Ancaq müəyyən yaşdan sonra ərköyünlük, "mən Kamilin qızıyam, mən Gülayın qızıyam" bunlar olmayacaq. İnsan çətinliyə də, "yox" sözünə də öyrəşməlidir".

Qeyd edək ki, "ARB Ulduz" kanalına Azərspace 1 peykində 11024 Tezliyində, Polyarizasiya: (V), FEC 5:6,  Symbol rate: 12698 izləyə bilərsiniz.

milli.az



Şərh yazılmayıb.

Şərh yaz.




           
MARAQLI
Maraqlı
- Sitemap - sitemap haqqinda xeberler about profiles about profiles sitemap Son Xeberler - Son Xəbərlər xeberler