Ölkəm.az




Ölkəm.az » Xəbərlər» Xəbər

Ana dilini qadagan eden direktor danisdi:

13 views24/11/2016

13:08

– xeber –
Xalq şairi, Azərbaycan Dil Qurumunun başqanı Sabir Rüstəmxanlıya Bakıdakı Ə.Bakıxanov adına 6 nömrəli uşaq musiqi məktəbinin direktoru Almaz Əhmədovanın məktəb daxilində rus dilində danışması, tədbirləri rus dilində təşkil etməsi haqda müraciətlər edilib.
Ölkəm.az axar.az-a istinadən xəbər verir ki, müraciətdə məktəbin direktoru Almaz Əhmədovanın yığıncaqlarda, tədbirlərdə çıxışçılardan rusca danışmağı tələb etməsi, hətta bu tədbirlərin yalnız rusca aparılmalı olduğunu elan etməsi iddiası yer alıb. Valideynləri isə ana dili ilə bağlı tədbirin belə rusca aparılması ciddi narahat edib.
Mövzunu sosial şəbəkədə ictimailəşdirən Sabir Rüstəmxanlı Mədəniyyət Nazirliyinin sözügedən problemi araşdıracağına ümid etdiyini vurğulayıb.
Məsələ ilə əlaqədar Ə.Bakıxanov adına 6 nömrəli uşaq musiqi məktəbinin direktoru Almaz Əhmədova ilə əlaqə saxladıq. Mövzunun mahiyyətinə uyğun olaraq, Almaz xanımın açıqlamasını olduğu kimi dərc edirik ki, oxucuda məktəb direktorunun dil mənsubiyyəti və nitqi haqqında təsəvvür formalaşsın:
“Bizdə məktəb ikidillidir. Bütün bizim tədbirlərimiz Azərbaycan dilində keçirilir. Çünki dövlət dilimiz Azərbaycan dilidir. Sadəcə, hər məktəbdə olan kimi, rus sektoru da var, az sektoru da var. Yalnız rus sektorunda dərslər rusca keçirilir, belə də olmalıdır. Müəllim azsektorda azərbaycanca, russektorda rusca dərs keçir. Lyuboy məktəbdə belədir də.
Mən çox Azərbaycan dilində danışıram, çünki lyuboy kim bura gəlib… Bütün mənim əmrlərim, bütün mənim kitablarım hamısı azərbaycanca yazılıb burda, mən necə danışım? Ancaq görürəm ki, alınmır azərbaycanca danışmaq, mən keçirəm rus dilinə. Amma bizim dövlət dilimiz… bizim bütün kitablarımız, bizim bütün Əmək Məcəllə də mənim əlimdə həmişə burda Azərbaycan dilindədir. Hər şey Azərbaycan dilindədir. Bizim əsasnamələrimiz hamısı Azərbaycan dilindədir. Mən əlbəttə ki, Azərbaycan dilində danışıram…”
Məktəb direktoru bizimlə danışığında rus sözlərindən çox istifadə etməsinə və Azərbaycan dilində özünüifadə çətinliyinə də aydınlıq gətirib:
“Çünki özüm rus sektorunu qurtarmışam. Deyirsiniz ki, danışığımda rus sözlərindən istifadə edirəm. Siz açın Azərbaycan kanallarına baxın, görün orda Azərbaycan dilində danışırlar, heç orda qrammatik səhvlər nə qədər buraxırlar. Gəlin ordan başlayaq bu düzəlişləri eləməyə, sonra mənə deyin ki, “lyuboy” sözü, “daje” sözü istifadə etməyim”.

Mədəniyyət Nazirliyinin mətbuat xidmətindən isə mövzunun araşdırılacağı və yalnız bundan sonra açıqlama veriləcəyi bildirildi.

axar.az



Şərh yazılmayıb.

Şərh yaz.




           
MARAQLI
Maraqlı
- Sitemap - sitemap haqqinda xeberler about profiles about profiles sitemap Son Xeberler - Son Xəbərlər xeberler